Google ADS

Tetë raste të reja me coronavirus në Dibër

17:56 | 21 Gusht 2020
A. B.

Përsëri një numër më i lartë i personave të infektuar me Covid-19 u regjistruan në Dibër pas disa ditësh pushim, kur nuk kishte të infektuar ose kishte vetëm një ose dy raste.

Në 24 orët e fundit, me Covid-19 janë diagnostifikuar tetë persona ose gjithsej 38 raste këtë muaj. I njëjti numër i infektuarve janë regjistruar në 8 gusht, ndërsa numri më i madh ditor i të infektuarve është shënuar më një gusht ku kishte 10 persona.

Kjo do të thotë që mesatarisht rreth 1.6 të infektuar regjistrohen çdo ditë.

“Arsyeja për këtë janë grumbullimet masive dhe mosrespektimi i rekomandimeve për mbrojtje nga virusi i rrezikshëm, si në ambientet hotelierike, në plazhet e Liqenit të Dibrës, ashtu edhe në shtëpi, ku ka grupim për arsye të ndryshme. Ne bëjmë thirrje që të shmangim mbledhjet dhe të ndjekim me përpikëri rekomandimet për ruajtjen e distancës fizike, mbajtjen e maskës mbrojtëse dhe ruajtjen e higjienës”, apelojnë nga Shtabi i Krizës./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm